Uran - Gəl Məni Gör
Gəl məni gör
Yeah! Yeah!
★ Bənd 1 ★
Çox savadlı qaqaş, qıcqırıb savad qabı
Adamı yox ki, sala qabağı, ya qala sabaha
Harası baha soruşma, şansın parası baha
Qaqaşın beyni var, indi lazım harası daha?
Tanışı yox ki, qarışa işə, barışıq isə
İşi itirmək demək, o, isə yarışa bilər
Dartışmaqla olmur, yuxarı qarışsa işə
Adamsızın jiletin adamı olanın gülləsi deşər
Buna görə var xüsusi kasta, xüsusi peşə
Xüsusi daraq, xüsusi güllə, xüsusi məşəl
Beləsi həll edir düyünlü işi anında
Onunla açılır qapılar, işləyir qanunlar
Rast gəlir qaqaşa birisi, verir hamısının dərsin işdə
Qoy indi yuxarı tanısın, var ədalət tanrısı
İşi həll edən pulu götürüb aradan çıxır
“Bir şey olsa, gəl məni gör” gedəndə deyib əlin sıxır
Oğlan qayıdır işə, idarə önündə 3 polis maşını
Deyirlər “kabinetdə dolabda tapıblar müdirin başını”
Qaqaş səsini çıxarmır, silir nömrəni tezbazar
Çətin bir də bu alicənaba nə üçünsə nəsə yaza
★ Nəqərat ★
Gəl məni gör, gəl məni gör
Hamı deyir: “Gəl məni gör”
Cibin boşdur, başın dolu
Deyir: “Haqqın yolu, ala, gəl məni gör”
Gəl məni gör, gəl məni gör
Hamı deyir: “Ala, gəl məni gör”
Gətirmirsə birdən işin əgər
Deyir “Noldu ala, bəs gəlməliydin?!”
★ Bənd 2 ★
Dərd ortağını butulkada tapan kişi
İçib yerdən qopan kişi, sapant kimi
Hər sağlığı bir and kimi, şüur sərxoş
Ayıq beyinin meyarı boş, içkili xoş
Zəhrimarı içir, zehni gedir, zəhmi qalır
Yüklənir daha çox, dəm olur, qəm lehmi qalır
Rəhmi gəlmir səhhətinə, onun beyni qanlı
Çün belə vəziyyətə düşən adamda da beyin qalmır
Axı evin son beşiyinə on beş illik iş istəyir
Guya oğlu oğurlayıb, üzünə duran birisi deyir
Ata dərd soyudur, tapmayır imdad çarəsi
Bir pabın küncündə tək başına mücadiləsi
Qəfil oturur yanına biri, ölü beyni olur diri
“Həll edərəm” deyir, sözü kişinin başına girir
Adam boşuna demir, səhər yayılır xəbəri
Oğlunun üzünə duran özünə qəsd edib, gəbərib
“Şahid” yoxdursa, oğlan azaddır, dərhal!
Kişi şaddır şokda zal, sonra bir az qəribə əhval
Və evin qapısı önündə tapdığı kiçik yazı
“Salam. Gəl məni gör, çətinə düşsən olsam lazım!”
★ Nəqərat ★
Gəl məni gör, gəl məni gör
Hamı deyir: “Gəl məni gör”
Cibin boşdur, başın dolu
Deyir: “Haqqın yolu, ala, gəl məni gör”
Gəl məni gör, gəl məni gör
Hamı dеyir: “Ala, gəl məni gör”
Gətirmirsə birdən işin əgər
Deyir “Noldu ala, bəs gəlməliydin?!”
★ Bənd 3 ★
Əgər AzRep ölüb, sizinlə cəsəd danışır
Dirilər belə danışmır, aparın, həsəd danışır
Dеyir: “Rep bataqlıqda, yetişib həsrət qamışı“
Deyir “Günahkar islanmış giribsə qəsdən yağışa“
Kim-kimə qarşı, döyüşür indi tin timə qarşı
Hayp kinə qarşı, necə ABŞ gedir Çinə qarşı
Kim sayır trendi, arşın dayandırır axtarışın
Çün vaxtını itirir o, tüpürməklə günə qarşı
Sənə təmiz rep lazım gəl bura, ala, söz süzək, gəl söz vuraq!
Qafiyə fırladıb arada buraq, əyləci burax, əyləncə sonra
Dərəcəsi var, dinləyici diksinir axtarır xaricdə xalisin
Gəl məni gör, nə vaxt eşitmək istəsən sən AzRepin alisin!
★ Nəqərat ★
Gəl məni gör, gəl məni gör
Hamı deyir: “Gəl məni gör”
Cibin boşdur, başın dolu
Deyir: “Haqqın yolu, ala, gəl məni gör”
Gəl məni gör, gəl məni gör
Hamı deyir: “Ala, gəl məni gör”
Gətirmirsə birdən işin əgər
Deyir “Noldu ala, bəs gəlməliydin?!”
★ Çıxış ★
Gəl məni gör
Gəl məni gör
Ala, gəl məni gör
Song Description:
edit soundcloudSoundCloud:
edit soundcloudMore Uran lyrics
Uran - Qadınlar
{Bənd 1} Birisi bu tərəfə, o biri o birinə Birisi üzdə üzür, o birisi dərinə Birinə beyin lazım, birinə bədənin Birisi gətirəndir, birisi gedənin Birisi belə
Uran - Nə Qalacaq?
{Giriş: Uran} Aha Gəlib, gəlib o ’’момент’’ çatır ki insan həyatında Özünə sual verirsən: Nə qalacaq məndən sonra? Nə qalacaq səndən sonra? Get...
Uran - Tam səmimi
{Verse: Uran} Yaşamaq üçün yeməlisən, yemək üçün qazanmalı Qazanmaq üçün işləməli, qazana qazandığın malı atmalı Məntiqi xətti uzatmalı, müəyyən bir nöqtəyə çatmalı Ya
Uran - Rəssam Qız
{Giriş} Ah, eşidirsən məni? ‘’Okay’’, onda qulaq as {Bənd 1} Hey Qaranlıq dünyama işıq saçan Bilmədim, sənə mən vuruldum haçan Qəlb
Uran - Söylə
{Giriş} Əvvəl yaz, sonra poz Əvvəl ağ, sonra boz Əvvəl qum, sonra toz Bax belə dəyişir istək Əvvəl al, sonra qur Əvvəl öp, sonra vur Əvvəl sus,
Uran - Qazi
{Giriş} Yenə yuxuda qayıtdı ötən günə Səfərə çıxan hərbi kalon Öndə gözləyər döyüş onu Partlayış olar, pusqu birdən Heyətlər alar mövqe Yerdə Qanla
Uran - Get
{Giriş} Hm yeah Get {Bənd 1} Çalışıram tutum axarı Aşağıdan birbaşa üzüyuxarı Harada diribaş olan baş çıxarır İşləyib nəyi var, axıdıb
Uran - Musiqi
{Giriş} Bu… Bu, musiqidir Bunu izah etmək olmur Bu, sadəcə, musiqidir Getdik, ah {Bənd 1} Heç kəs lazım deyil, qapını bağlamışam Daha
Uran - Azərbaycanı Tərk Edərkən
{Giriş} Azərbaycanı tərk edərkən Keçirtdiyim hisslər haqqında {Nəqərat} Səmaya doğru gedir xəyallar (xəyallar) Aradabir sualtı qayalar (qayalar)
Uran - Vətəndaşa Mesaj
{Giriş} Vətəndaş! Həri. Yaxın gəl, yaxın gəl, yaxın gəl Yaxın gəl, yaxın otur! Hə! Yaxın gəl, yaxın otur! Söylə! {Bənd 1} Söylə görüm, sən
YouTube
Uran
Biography
Uran müxtəlif dövrdə Diana Hacıyeva və digər sənətkarlar ilə əməkdaşlıq etmişdir.
Həyatı
Uran 1983-ci il dekabr ayının 20-də Xaçmazda dünyaya gəlmişdir. 1996-ci ilin martın 9-da ilk rep mahnısını yazıb. Replə ilk tanışlığı Rusiya repçilərindən başlayıb. Sonrakı illərdə 2Pac və Eminemdən təsirlənib.
Hip-hopda ilk təxəllüsü “Mr Ib” olub. 2001-ci ilin mart ayından M.T.Street qrupunun tərkibində söz yazarı kimi fəaliyyət göstərməyə başlayıb. O, ilk olaraq söz yaza bilməyən repçilərə mahnı mətnləri satmaq fikrində idi. Həmin ilin aprelində qrup “Mənim lomka həyatım” treki ilə Vətən diskotekasında keçirilən yeraltı (ing. underground) festivalda 4-cü yeri tutub. 2001-ci ilin sonunda M.S.Street qrupu dağılır və Mr.Ib müstəqil fəaliyyətini davam etdirir. Həmin ilin oktyabr ayının 19-da Bakı Slavyan Universitetinin akt zalında, universitetin ŞHK-nin təqdimat gecəsində ilk çıxışını edir
2004-cü il yanvarın 11-də “Caspian Clan” rep qrupunun 8-ci üzvü olur. 2004-cü ildə qrup dağılır və repçi ləqəbini “Uran"a dəyişir. 2004-cü il oktyabrın 10-da Space TV-də "Mən Də Varam” telemüsabiqəsinə qatılır. O, telemüsabiqədə ikinci yeri tutur.
2006-cı il fevralın 2-də Uran British Council-in təşəbbüsü ilə “Urban Culture” adı altında keçirilən hip-hop şouda iştirak edir. Daha sonra şəxsi həyatında baş verən problemlərlə əlaqədar repdən bir müddət uzaqlaşır.
2007-ci ilin aprel ayında “Mən Də Varam 3” telemüsabiqəsinə yenidən qatılır və birinci yeri tutur. 2007-ci ilin avqust ayında Uran Azərbaycanın ilk rep leyblı olan “Da Streetz"in tərkibinə daxil olur.
2008-ci il aprel ayının 20-də “Rap Time” adlı radio verilişin aparıcılarından biri olur. Həmin ilin avqust ayında isə ANS ÇM-in keçirdiyi vətənpərvər musiqi müsabiqəsinə “Milli düşüncə və gənclər” mahnısı ilə birinci yerə layiq görülür.
2010-cu il mayın 2-də Bakıda Türkiyə repçisi Cəza ilə birgə konsert verir. 2012-ci il iyunun 28-də Ceza və Uran ikinci dəfə Bakıda, Heydər Əliyev adına İdman Arenasında eyni səhnəni bölüşür.
2013-cü il Tofiq Bəhramov adına Respublika Stadionunda keçirilən Fanta Gənclik Festivalın aparıcısı olur.
Uran 2014-cü ilin avqust ayından 2016-cı il fevral ayına qədər Almaniyada yaşayıb.[2]
Şəxsi həyatı
Ailəlidir. Bir qızı var.
Diskoqrafiya
Uranın diskoqrafiyasına 3 studiya albomu və bir miksteyp daxildir.
Studiya albomları
Hörmətlə Uran (2005)
Mənasız Şeylər (2009)
Qaralama (2011) (Miksteyp)
Açıq Mikrofon (2013)