Gaetano Enrico Pennino - Pecché?

Canta ll'auciello dint' â casa antica
Addò primma cantave pure tu
E sento pur' 'a voce 'e 'n'ata amica
Ca me cunziglia 'e nun te penzà cchiù!

Carmè
Si aggio lassato 'a mamma mia pe' tte
Si t'hê pigliato 'a primma giuventù
Pecché
Nun tuorne a mme?

Me pare ca è cagnata 'sta fenesta
'A dò vuttaste 'o primmo sciore a mme
E 'n'ata rosa, a dint'a 'n'ata testa
Mò me cunziglia 'e nun penzà cchiù a tte!

Carmè
Si aggio lassato 'a mamma mia pe' tte
Si t'hê pigliato 'a primma giuventù
Pecché
Nun tuorne a mme?

E passa 'a notte, passa 'o juorno e 'a sera
Ma 'stu turmiento mio nun vò passà
Passa pure 'sta luna ca è sincera
Si me cunziglia sempe 'e te scurdà!
Carmè
Si aggio lassato 'a mamma mia pe' tte
Si t'hê pigliato 'a primma giuventù
Pecché
Nun tuorne a mme?