Guillaume de Machaut - Lasse! comment oiblieray

To Rate
Lasse! comment oiblieray
Le bel, le bon, le dous, le gay
A qui entierement donnay
Le cuer de mi
Pour le sien que j'ay sans demi
Et le retins pour mon ami
Einsois que eüsse mon mari
Qui me deffent
Et me gaite mout durement
Que ne voie son corps le gent
Dont li cuers en ij pars me fent;
Car il m'estuet
Malgré mien faire ce qu'il vuet
Dont durement li cuers me duet
Mais pour ce drois ne se remuet
Ne bonne foy;
Car puis que certeinnement voy
Qu'il vuet et quiert l'onneur de moy
Et qu'il m'aimme assez plus que soy
Et se le truis
Si bon qu'il prent tous ses deduis
En moy servir, je ne le puis
Laissier, se mauvaise ne suis
Eins le puis bien
Amer par honneur et par bien
Quant j'ay son cuer et il le mien
Sans ce que je mespreigne en rien
Ce m'est avis
Mais j'eüsse trop fort mespris
Se j'eüsse l'amer empris
De puis que j'eus à marit pris
Lasse! celui
Qui tant me fait peinne et anuy
Qu'en tous cas toute joie fui
N'en ce monde n'a moy n'autruy
Qui me confort
Car mi gieu, mi ris, mi deport
Mi chant, mi revel, mi confort
Mi bien et mi bon jour son mort
Et nuit et jour
Acroist li ruissiaus de mon plour
Quant le plus bel et le millour
De tous ne voy: c'est ma dolour!
Mais soit certeins
Que, comment que mes corps lonteins
Li soit, mes cuers li est procheins
D'amours et de loiauté pleins

Se j'aim mon loyal ami
Et il mi si loyaument
Qu'il est tous miens sans nul si
Et je aussi entierement
Sans nul vilain pensement
Bonnement à li m'ottri
Pour ce qu'il m'a longuement
Liement, de cuer servi
Ay je pour ce desservi
Lasse! aymi, que tellement
M'en demainne mon mari
Que de li n'ay fors tourment?
Nennil, car certeinnement
Mortelment peche celi
Qui pour bien faire mal rent
Or m'aprent à faire einsi
Qu'il vuet que mette en oubli
Celui qui m'a humblement
Doubté celé, obey
Et cheri à mon talent

Pour quoy me bat mes maris?
Lassette!
Aymi, Diex!
Pour quoy me bat mes maris?
Lassette!
Je ne li ay riens meffait
Je ne li ay riens meffait
Fors qu'à mon ami parlay
Seulette
Aymi, Diex!
Fors qu'à mon ami parlai
Seulette
Pour quoy me bat mes maris?
Lassette!
Aymi, Diex!
Pour quoy me bat mes maris?
Lassette!

Comments

More Guillaume de Machaut lyrics

Guillaume de Machaut - J'aim sans penser laidure
J'aim sans penser laidure Et ay lonctemps amé Celle où Diex et Nature Ont mis tant de bonté Que toute creature D'onneur a sormonté Or m'est dure Sans

Guillaume de Machaut - De Fortune me doi pleindre et loer
De Fortune me doi pleindre et loer Ce m'est avis, plus qu'autre creature; Car quant premiers encommencay l'amer Mon cuer, m'amour, ma pensée, ma cure Mist si bien

Guillaume de Machaut - Amours me fait desirer
Amours me fait desirer Et amer De cuer si folettement Que je ne puis esperer Ne penser N'ymaginer nullement Que le dous viaire gent Qui m'esprent Me

Guillaume de Machaut - Quant em moy vint premierement
Quant em moy vint premierement Amours, si tres doucettement Me vost mon cuer enamourer Que d'un regart me fist present Et tres amoureus sentement Me donna aveuc dous

Guillaume de Machaut - Je puis trop bien ma dame comparer
Je puis trop bien ma dame comparer A l'image que fist Pymalion D'ivoire fu estoit, tant belle et si sans per Que plus l'ama que Medée Jason Li fols toudis la prioit

Guillaume de Machaut - De toutes flours n'avoit et de tous fruis
De toutes flours n'avoit et de tous fruis En mon vergier fors une seule rose: Gastés estois li surplus et destruis Par Fortune qui durement s'opose Contre ceste douce

Guillaume de Machaut - Je ne cuit pas qu'oncques à creature
Je ne cuit pas qu'oncques à creature Amours partist ses biens si largement Come à moy seule et de sa grace pure; Non pas qu'aie desservi nullement Les douceurs qu'elle

Guillaume de Machaut - Comment qu'à moy lonteinne
Comment qu'à moy lonteinne Soiez, dame d'onnour Si m'estes vous procheinne Par penser nuit et jour Car Souvenir me meinne Si qu'adès sans sejour Vo

Guillaume de Machaut - Ne qu'on porroit les estoiles nombrer
Ne qu'on porroit les estoiles nombrer Quant on les voit luire plus clerement Et les goutes de pluie et de la mer Et la greve seur quoy elle s'estent Et compasser le tour

Guillaume de Machaut - Aymi! dame de valour
Aymi! dame de valour Que j'aim et desir De vous me vient la dolour Qui me fait languir Tres douce creature Comment puet vo fine douçour Estre vers moy si

Guillaume de Machaut

Guillaume de Machaut (1300?-1377) exerted considerable influence in both music and poetry during his lifetime. Employed from his youth as a secretary to King John I of Bohemia, he stayed in the employ of various other nobles throughout his life. His 400 poems or so discussed the subjects of courtly love and war, while he also wrote both secular and sacred music, blazing trails in polyphony as well as the forms of motets and ballades.