Giuseppe Cioffi - Che malaspina!

Nun ce sta sera ca nun stongo a vino
È meglio ca mme scordo e ca mme stono
Si veco ca me tremmano 'sti mmane
Mme vaco a sfrennesià dint' â cantina
Nun ce sta sera ca nun stongo a vino

Che malaspina sì tu!
Che malaspina!
Astrigne, dint' ê mmaglie 'e 'na catena
Ll'ommo ca s'è abbagliato 'e passiona:
Primma ll'attire e doppo t'alluntane
Te cride, 'ncapa a te, ca sì 'nnucente?
Sì tanta bella, ma sì malamente!

Si 'nnanz' â luce metto 'stu bicchiere
Ce veco 'n'ombra ca me fa paura:
'Na faccia 'e santa cu dduje uocchiе chiare
Ca s'annasconne 'o tradimento 'ncorе
Si 'nnanz' â luce metto 'stu bicchiere

Che malaspina sì tu!
Che malaspina!
Astrigne, dint' ê mmaglie 'e 'na catena
Ll'ommo ca s'è stunato 'e passiona:
Primma t' 'o vase e doppo ll'abbandune
Mò vaje dicenno ca nn'hê fatto niente!
Quanto sì bella tu, 'nfama e 'nnucente!
Comm'a 'na pianta 'e rrose te criscevo:
'O sole 'e chist'ammore te vasava
'O chianto 'e chistu core t'arracquava
E tu, malvagiamente, me tradive
Comm'a 'na pianta 'e rrose te criscevo

Che malaspina sì tu!
Che malaspina!
Ma si 'na sera sgarro cu 'o bicchiere
Mme scordo ca 'stu core è 'nu signore
Ma i' penzo: 'A libbertà m'è troppo cara!
Stasera è 'na serata 'e primmavera
Amice… ve saluto… bonasera…

Quanta palomme 'ncielo songo asciute!
È bella, è troppo bella 'sta nuttata!
'O vino, pure 'o vino se n'è ghiuto!
I' torno â casa senza cumpagnia
Mm'addormo dint' ê bbracce 'e mamma mia

Che malaspina!