Ernesto Tagliaferri - Piscatore 'e Pusilleco

Piscatore 'e 'stu mare 'e Pusilleco
C'ogne notte me sient' 'e cantà
Piscatò, 'sti pparole sò llacreme
Pe' Maria ca luntana me sta

Dorme 'o mare. Voca, voca!
Tutt'è pace attuorno a mme
Ma pecché?
Ma pecché m'hê lassato
Mentr'io moro stanotte pe' tte?

Casarella d' 'o capo 'e Pusilleco
Sponta 'a luna e te vene a vvasà
Quanta nnotte aggio perzo guardannote!
Quanta juorne aggio visto schiarà!

Dorme 'o mare. Voca, voca!
Tutt'è pace attuorno a mme
Ma pecché?
Ma pecché m'hê lassato
Mеntr'io moro stanotte pe' tte?

Zitto, ojе core, ca 'nterra Pusilleco
Veco 'n'ombra ca segno me fa
'Na manella e 'na voce me chiammano:
Fra 'sti bbracce Maria vò turnà
Dorme 'o mare. Oje bella, viene!
'Ncielo 'a luna saglie e va
Vita mia!
Vita mia, me vuò bbene?
Ca si è suonno nun farme scetà!

Dorme 'o mare. Voca, vò!