★ Skit ★ SPİD virusu düşüb mənə Mən özüm də bir virus olub düşmüşəm bu həyata Həyatım mənə qarşı immuniteti var – ölüm Mənim isə ölümə qarşı heç bir immunitetim yoxdur Qulaq asın...
★ Bənd 1 ★ Açılmaz olan qapıları mən açmaq istəyirəm Cəmiyyətdən uzaqlaşıb sonsuz qaçmaq istəyirəm Mən istədiyim bir qızla birgə olmaq istəyirəm Mən həyatımın xoşbəxt anı ilə dolmaq istəyirəm!
Başa düşmək istəyirəm, başa salmaq istəyirəm Yuxu görmək istəyirəm, xəyala dalmaq istəyirəm Mən Yerdən artıq bezmişəm Günəşlə qalmaq istəyirəm! Ölüm bıçağını qəlbimin dibinə salmaq istəyirəm!
Bəsdir! Yetərdir! Qaranlıqdan daha bezmişəm Sevməyi bacarmıram, insanlara nifrət sezmişəm! Unutmuşam keçmişimi, gələcəyimə mən tüpürmüşəm Xoşbəxtlik şansın əldən buraxıb, onu uçurub üfürmüşəm!
İndiki həyatımın mənasın bir qutu siqaretdə görürəm Öz əlimlə, özüm üçün qəbir daşın mən hörürəm Dayana bilmirəm, getdikcə daha aşağıya enirəm Nə danışdığımı düşünməyib, ağzıma gələni deyirəm!
Baxıram kalendara, balaca kağızda nələr vardır? İnsan həyatı belə çərçivədə, insan həyatı belə dardır Yaşayacağım günlərə baxıram, əzib atıram vedrəyə Həyatsa aşağıya enir, əsəbləşmək gərək nəyə?
Od-su arasında qalmışam, mən görəsən nə edim? Özümü bu zibilə salmışam, görəsən haraya gedim? Günəş mənə qara görünür, bu gün olub ona nə? Uzaqlaşın siz məndən SPİD virusu düşüb mənə!
★ Nəqarət ★ Haradayam, bilmirəm mən haradayam? Bəlkə burda, ya qabaqda son qoyam? Bəlkə küsüb, bezib bu həyatdan doyam? Bəlkə oturub günlərimi sayam…
Başa düşməmişəm ki, dünyanı dəyişə bilmirəm Pis bir iş görərək mən yaxşılığı heç vaxt silmərəm Xeyir öz yerində olur, şər qüvvə yerində qalır Yalnız insan artıq əşyatək özünü araya salır
Yüz mərtəbə binanın damından durub yerə baxıram Gözlərim yaxşı görür, ancaq mən yenə eynək taxıram Mən gözlərimi gizlədirəm, qorxuram onları itirərəm Bədənimdə olan yeganə saf yeri qurban gətirərəm
Tullanımmı buradan, düşümmü azad dünyaya? Onsuz da etdiyim səhvlər artıq gəlməyir saya... Oğlan və qız girib qol-qola - budur gəzirlər yenə Uzaqlaşın siz məndən SPİD virusu düşüb mənə!
★ Nəqarət ★ Haradayam, bilmirəm mən haradayam? Bəlkə burda, ya qabaqda son qoyam? Bəlkə küsüb, bezib bu həyatdan doyam? Bəlkə oturub günlərimi sayam…
★ Bənd 3 ★ Getdim yoxlatdım özümü, mən inanırdım keçəcək Neçə dəfə belə olub, hər şey öz yolun seçəcək Ancaq bu dəfə ilişdim, ancaq bu dəfə girişdim Ancaq bu dəfə ölüm ətrini hiss etmişdim
Bir saat kеçdikdən sonra həkimlər dedilər mənə “Həyatından uzaqlaş, SPİD virusu düşübdür sənə!” Mən yerimdə dondum, qəlbimin daxilinə qondum Ürəyimin damarların bir-bir çıxartdım, qırdım, yondum!
Qoy azad olsun ürəyim, tullantı üçün işləməsin Damarda qan qalmasın, vicdan qəlbimi dişləməsin! Biz bir-birimizdən ayrılaq, o artıq azad bir ürəkdir Heç vaxt unutmayın, ürək yaşayan insana gərəkdir…
Gözümü açanda gördüm məni möhkəm bağlayıblar Qollarım kəsik-kəsikdir, acı iynə ilə dağlayıblar Bir addım irəli atıb, iki addım atdım gеriyə Beynimdə bir sual vardır, axı niyə, niyə, niyə?
Bir anlıq baxdım ətrafa - ağaclar, qönçə güllər Bir anlıq baxdım insana - günahlar, qanlı əllər Yağış tökülür üzümə, hər damcı dənə-dənə Uzaqlaşın siz məndən, SPİD virusu düşüb mənə!
★ Nəqarət ★ Haradayam, bilmirəm mən haradayam? Bəlkə burda, ya qabaqda son qoyam? Bəlkə küsüb, bezib bu həyatdan doyam? Bəlkə oturub günlərimi sayam…
Haradayam, bilmirəm mən haradayam? Bəlkə burda, ya qabaqda son qoyam? Bəlkə küsüb, bezib bu həyatdan doyam? Bəlkə oturub günlərimi sayam…
Uran - Sadə Qız {Skit} Bu repin sözlərinə diqqətlə qulaq asın {Bənd 1} Dayanacaqda dayandı avtobus, mindi bir qız sadə bir qız Sifəti kosmetikasız Dodaqları
Uran - Oğlan Ol {Keçid} Oğlan ol, hərəkətlərinə fikir ver Əsl oğlanlar üçün bu cəmiyyətdə daima vardır yer Caspian Clan, Uran {Bənd 1} Oğlan var, üzünə tüpürməmiş
Uran - Hörmətlə, Uran {Nəqarət} Uran yaradacaq yeni qalmaqal Endirəcək zərbələri səhnələrə dalbadal Uran yaradacaq yeni qalmaqal (Caspian Clan, Uranı yığışdırın) {Bənd
Uran - Valideynləri Unutmayaq {Bənd 1} Onların sevgisi, onların əllərinin istisi Onların şirin səsi, onların isti nəfəsi Ananın laylay nəğməsi, atanın verdiyi məsləhət Çəkdiyi əziyyət, səhvləri görüb
Uran - Qəlbimin Harayı {Bənd 1} {Uran} Heç bir şey istəmirəm, ayrılıb dünyadan Enim sevgi dənizinə hündür bir qayadan Tapım səni, itirməyim, yetər bu tənhalıq İsit soyuq ürəyimi,
Uran - Repə Qulaq Asın {Bənd 1} Yolun qırağıyla gedir qaqaş, əlində diplomat İti addımlar avtomat, gözündə linza eynək Əynində qara pencək, qaqa nöqtə köynək Hamıya örnək, mədəni, ağ dəri uşaq
Uran - Həyat Gülməlidir {Nəqarət} Gülməlidir, nə qədər çox bilsək Səhvə yol versək, məsləhət görsək Gülməlidir, nə qədər istəsək Dünyanı düzəltsək, yenə də daş-kəsək! Gülməlidir
Uran - Açıq Mikrofon {Bənd 1} {Uran} Zonam Əhmədli, Xəzər, repim nə xəz, nə zər Yan keçsin bədnəzər, qafiyəm qulağı əzər Uranın sorağı gəzər, Virtual arağı süzər Sözüm marağı
Uran - D b d b m (nəqarət) Dabadabam, dabadabam! Belə deyir hər bir adam Söhbəti boş - tələbi var Oxşar olsun, dabadabam! Məna cılız. Mənaya sox Başı saman, ala, içinə
Uran
Uran (tam adı: İbrahim İbrahimov; d. 20 dekabr 1983, Xaçmaz, Azərbaycan SSR, SSRİ) — Azərbaycan repçisi.[1]
Uran müxtəlif dövrdə Diana Hacıyeva və digər sənətkarlar ilə əməkdaşlıq etmişdir. Həyatı Uran 1983-ci il dekabr ayının 20-də Xaçmazda dünyaya gəlmişdir. 1996-ci ilin martın 9-da ilk rep mahnısını yazıb. Replə ilk tanışlığı Rusiya repçilərindən başlayıb. Sonrakı illərdə 2Pac və Eminemdən təsirlənib.
Hip-hopda ilk təxəllüsü “Mr Ib” olub. 2001-ci ilin mart ayından M.T.Street qrupunun tərkibində söz yazarı kimi fəaliyyət göstərməyə başlayıb. O, ilk olaraq söz yaza bilməyən repçilərə mahnı mətnləri satmaq fikrində idi. Həmin ilin aprelində qrup “Mənim lomka həyatım” treki ilə Vətən diskotekasında keçirilən yeraltı (ing. underground) festivalda 4-cü yeri tutub. 2001-ci ilin sonunda M.S.Street qrupu dağılır və Mr.Ib müstəqil fəaliyyətini davam etdirir. Həmin ilin oktyabr ayının 19-da Bakı Slavyan Universitetinin akt zalında, universitetin ŞHK-nin təqdimat gecəsində ilk çıxışını edir
2004-cü il yanvarın 11-də “Caspian Clan” rep qrupunun 8-ci üzvü olur. 2004-cü ildə qrup dağılır və repçi ləqəbini “Uran"a dəyişir. 2004-cü il oktyabrın 10-da Space TV-də "Mən Də Varam” telemüsabiqəsinə qatılır. O, telemüsabiqədə ikinci yeri tutur.
2006-cı il fevralın 2-də Uran British Council-in təşəbbüsü ilə “Urban Culture” adı altında keçirilən hip-hop şouda iştirak edir. Daha sonra şəxsi həyatında baş verən problemlərlə əlaqədar repdən bir müddət uzaqlaşır.
2007-ci ilin aprel ayında “Mən Də Varam 3” telemüsabiqəsinə yenidən qatılır və birinci yeri tutur. 2007-ci ilin avqust ayında Uran Azərbaycanın ilk rep leyblı olan “Da Streetz"in tərkibinə daxil olur.
2008-ci il aprel ayının 20-də “Rap Time” adlı radio verilişin aparıcılarından biri olur. Həmin ilin avqust ayında isə ANS ÇM-in keçirdiyi vətənpərvər musiqi müsabiqəsinə “Milli düşüncə və gənclər” mahnısı ilə birinci yerə layiq görülür.
2010-cu il mayın 2-də Bakıda Türkiyə repçisi Cəza ilə birgə konsert verir. 2012-ci il iyunun 28-də Ceza və Uran ikinci dəfə Bakıda, Heydər Əliyev adına İdman Arenasında eyni səhnəni bölüşür.
2013-cü il Tofiq Bəhramov adına Respublika Stadionunda keçirilən Fanta Gənclik Festivalın aparıcısı olur.
Uran 2014-cü ilin avqust ayından 2016-cı il fevral ayına qədər Almaniyada yaşayıb.[2]
Şəxsi həyatı Ailəlidir. Bir qızı var.
Diskoqrafiya Uranın diskoqrafiyasına 3 studiya albomu və bir miksteyp daxildir.
Studiya albomları Hörmətlə Uran (2005) Mənasız Şeylər (2009) Qaralama (2011) (Miksteyp) Açıq Mikrofon (2013)