Geo Ong - Don Angelo

★ Verse 1 ★
Elementarya pa lamang ako, madalas na makantsawan
'Pagkat isa ako sa mga walang-wala sa paaralan
Pumapasok na walang kain, may bitbit pang mga pasanin
Habang suot uniporme kong dalawang araw ng labahin
Walong taon pa lang ang edad, iba na taglay kong abilidad
Mga kaklase patungong klase ano paraan hinatid ni dad
Habang ako ay naglalakad, sinusuong kahit anong kalamidad
Sinasambit ang lagi kong dasal kay God, ako din po sana bigyan

★ Interlude ★
Panginoon, bakit gano'n mula noon hanggang ngayon
Kahit magsikap, bakit sa hirap pa rin ako laging baon?
'Yan ang aking laging tanong kaya lumaban hindi nagpatalo
Inspirido, 'di lang ganado 'pagkat nalaman kong galing ko do'n

★ Verse 2 ★
Magka-ama 'yan ang pangarap kong madama
Ang alaala ko na lang sa kaniya pangalan ko na dala (Ko na dala)
Pero ni minsan, 'di ko naisip na magpatalo sa pagkalumbay
Salamat panginoon sa lakas ng loob para abutin ang tagumpay
Alam mo bang isang dahilan kung ba't mga mata natin nasa harapan
Para hindi na natin balik-balikan, mga pangit na nakaraan Abante, balewalain ang mga paninira ng iba
Ngayon lang 'yan, 'pag naabot mo na
Proud din 'yan, kilala ka nila, 'di ba?
Gawin mo lang, tama, mga gusto mong gawin
Madilim nga lang kung kakatanim lang, 'tol, tutubo ka rin
Lahat ay nagdaan sa hagdan para ang pangarap makamtan
Madalas nasa daan ang hagdan dapat labanan ang hakbang

★ Verse 3 ★
'Di mapapa-sa'yo ang buong premyo kung aasa lagi sa iba
Kakarampot lang na balato ang makukuha mo lang sa kanila
'Wag mong hayaang may masayang ka na pagkakataon
Kung anong pangarap mo noon dapat and'yan ka na ngayon
Dating araw na lubog, ngayon umahon at sumikat
Dating maghapon tulog, ngayon bumangon at dumilat
Nilisan panandilian ang aking pinanggalingan
Malayo ka sa pamilya, masakit na tatanggapin 'yan

★ Interlude ★
Pero ayos lang kesa wala 'kong mapala
'Di na sa'kin bago madapa kahit ga'no kalala
Pagdating ko nakatingin lahat hindi na bago sa mata
"Rapper din po ako mga, sir, 'di lang gano'ng halata!"

★ Verse 4 ★
Lalamunang namamaga na, lalo pang lumalala
Hangga't walang napapala, malabo 'to na madala
Dibdib na nadadaga, 'di nasindak nang babala
Hilahin man nang pababa, tuloy pa rin ang pagdada
'Di na maliligaw kahit ga'no pa karaming pagdaanan
Ako'y handang buong loob sino man ang makalaban
Minsan na ring nalito, lumiko ang landas
Mas lalo lang akong nadapa, nung lumingon pa sa past
Kaya ngayon lahat ng mali ko, napupuna 'ko
Salamat karanasan, sa wakas natuto na 'ko sa buhay
Mas masakit, malala, mas mahirap na karanasan
'Pag nasanay ka sa susunod, madali na lang 'yan lagpasan

★ Interlude ★
Kalimutan mo lahat nang kumalimot sa'yo
'Pag kilala ka na, lalapit sila (Sino ka, bro?)
Mga masama't malala't mga mabuting karanasan mo
Ang huhulma sa'yo kung sino ka ngayong araw na 'to

★ Outro ★
Para mabuhay lang ako, pinapatos na lahat
Walang pakialam maski pinapaltos na balat
Mararating mo rin, Geo, 'wag ka lang masyadong atat
'Yan ang sabi sa'kin ng Diyos na pinakaboss sa lahat
Mararating mo rin, Geo, 'wag ka lang masyadong atat
'Yan ang sabi sa'kin ng Diyos na pinakaboss sa lahat